Reitmeyer, Andrea / Römmer, Dirk (Övers.)
Emily und das Meer / Emily un dat Meer

Emily mag an't Meer to geern barft op'n Sand rümlopen. Man as Emily an'n Strand kummt, ward se wat Snaaksch gewohr: Dat Meer is weg. Dor, wo gistern noch dat Water weer, is mit'n Mal blots noch de natte Sand to sehn. Foorts mookt Emily sik op'n Padd un will dat Meer söken. Se dröppt Möven, Seehunnen un veel nee'e Frünnen. De vertellt alltohoop wat anners, woso dat Meer nich mehr to sehn geiht. Wokeen vun jüm flunkert oder seggt würklich de Wahrheit? Op ehr spannende Entdeckungsreis lehrt Emily veel öber Ebb un Floot un öber dat, wat in't Meer spaddeln deit.
"Emily un dat Meer" is een Geschicht to'n Vörlesen un Sülbens-Gewahr-Warrn, vertellt op Hooch un Platt. Mit en Maand-Klenner to'n Utsnieden un Basteln köönt de Kinner utproberen, wat se öber de Tide al weten doot (Verlagstext, överarbeidt).

Grootordig is nich blots de Geschicht, sünnern ok de Biller: De ünnerscheedlichen Formaten sorgt för grote Överraschungen, wat dat de Lüchttorn in Dwarsformaat över en Dubbelsiet is oder de Blick in den Walfisch sien Riesenmuul, wat dat hele Meer översluukt. Dat schönste Bild aver wiest, woans de Maand in Emily ehr Phantasie dat Meer klaut. Un dat allerbest is, datt se dor toletzt ok noch Recht in hett! (Plattschapp)

Fast inbunnen.

20,5 x 30,2 cm

ISBN 978-3-8337-2937-9

Hamborg: Jumbo Neue Medien 2012, üm un bi 56 Sieden

ISBN: 9783833729379
Kategorie: Böker

Bestellnummer: BO JUM 2416
Emily und das Meer / Emily un dat Meer
Dat köst Woveel wullt Du?
€ 14,99
+ Versand
Een Sied trüch