Vertellen mit en besünnern Dreih un Schisslaweng: Magst di wunnern över den nien Naver. Fründlich vun Anfang an. Man denn wunnerst di: Treckt den Verteller in't Vertroon. Över de Familje kriggst du nix to weten - hett he keen? Eerst in den letzten Satz warst dat gewohr, wat för'n Naver dat is ("Mien Naver"). Bi "Nix an ännern" is dat anners: Dat Telefon pingelt bi Fiete. Verwählt! Jüst hett he sien Stremel wedderfunnen in't Blatt - över de verkehrsfrie Oldstadt - dor pingelt dat wedder. Un dat is nich dat letzte Mal. Un de Froo an dat anner Enn ward jümmer duller - un Fiete ok ... En Geschicht över de Ohnmacht gegen de Technik - oder doch gegen de Dösigkeit? Schön ok de Spraak, Indrücke een-to-een: "De ollen grellglinstern Lichtplacken blenkert mi in de Buten- un Binnenspegel üm de Wett." - "Vör luder Blennerie kann ik vörut schier nix mehr klorkriegen." Altosamen 30 Vertellen, de Di anpackt, achterenanner afdruckt ünner de Överschriften - Kinner un Kinnersnack, - Technik - vigeliensch un vertrackt, - Wat dat Weder uns bringt, - Eten un Drinken - un - As dat sünst männichmal so kümmt Papp-Inband ISBN 978-3-89876-363-9 Husum: Husum Druck- und Verlagsgesellschaft 2007, 63 S.
