Röhe, Evelyn (Rg.)
Plüschmoors
Tiet för Fruuns-Vertellen. Gedichten un Geschichten

Wenn du alleen op de Welt büst, is di so drang üm dien Hart, dat kannst nich utholln, du muttst rut, rut in de grote Eensamkeit, de binnen di is. Fenja drückt de Klink, de Wahnungsdöör swüngt op un en Bülg vun Küll fallt över Fenja: Fenja is vertwievelt, wieldatt Mama nich vun de Nachtschicht trüchkummt. So as damaals Papa. De har ok seggt, datt he ehr leev hett, man wedderkamen is he nich. To'n Glück drüppt se Artjom, as se sik op Puschen un mit Mama ehren goden Mantel op'n Padd in de Eensamkeit maakt. ("Een Stünn" vun Marlou Lessing)

En Book vun Froonslüüd - man nich blots för Froonslüüd: Mag angahn, un du warst as Kirl op'n verkehrten Padd stüürt. Is je intressant to lesen, woans sik dat anföhlt, wenn de Hormone di den Düvel dör den Liev jaagt un du faststellst: "Ik bün nich mehr ik." Züh - dinkst woll ok, dor kummt en Dööntje över de Menopause. Man denn warst du gewohr: Dat geiht hier üm en gräsige Süük. Un woans sik de Beziehung wannelt. Un wat al de Bang dörvör utmaakt, datt sik de Beziehung ännern kunn. Man denn kummt de depe Snitt ... ("Leven in de Achterbahn", Dörte Burgemann).
Blangen besünnere un afsünnerliche Beleevnissen sünd ok würklich literarische Parlen in düt Book to finnen. As Marianne Ehlers in ehr Vörwoort seggt: "Ok Mannslüüd warrt nich dösiger dorvun." Al in de Titelgeschicht - 'tschülligung: in dat Titelgedicht - "Plüschmoors" geiht dat üm en lütten Plüschmoors (en Hummel), de den Danz üm dat anner Geslecht al leed is. Datt dat dorbi nich blots üm de Leev geiht un datt dat nich ahn Begriesmuuleree afgeiht, dat kannst di dinken ...

Je en Handvull Vertellen un Gedichten vun Vera von Borstel, Dörte Burgemann, Heidrun Clausen, Gunda Gey, Martha-Luise (Marlou) Lessing, Elke Marx, Anke Nissen, Stina Nissen, Anetta Schulz, Petra Wede un Irma Wortmann.

Mit Wöörverkloren.

ISBN 978-3-9814757-1-5

Papp-Inband

Hamborg: Tiet för Platt-Verlag 2012, 197 S.

ISBN: 9783981475715
Kategorie: Böker

Bestellnummer: BO TFP 2478
Plüschmoors
Dat köst Woveel wullt Du?
€ 11,90
+ Versand
Een Sied trüch