Ipsen, Volkert
Witt

Witt is de niege CD, man en beten düster is de Musik dorop. Nadem Volkert Ipsen mit dat Book "Tüüssadüss" sien Leben vertellt hett - vun de Kinnerstuuv op Nordstrand hen bit na de Kummerkamer in de Giebelstadt Lübeck - hett he nu de Musik dorto op en Spegelschiev presst. Dat sünd Leder, de he mehrstendeels in de Tiet maakt hett, as he dat Book schreben hett, Leder, de wi deelwies vun sien Blog al kennen deen. Leder, de sien Stimmung dorbi wiesen doot. Un de weer nich sünnerlich goot. "Ipe, spääl mol wedder Blues!", röppt een fröhlich - Weet he, wat he dor seggt?
"So veel Kummer" - dat is de Geschicht vun dat Jahr 2011, as de Ledermaker in de Knee gung. "Häven's lerdig", "Johren (verloren)" - "Nix (to maken)"! -- "Ünnerwegens" sünd wi all ...
Bluesleder sünd trurige Leder. Dat hört sik so. Volkerts Leder sünd trurige Leder ut en trurige Tiet to'n Besinnen. So is he, de Blues. Liekers schön. Liekers goot antohören, wenn een sik dorop inlaten deit.
De düstere Tiet is sachs vörbi, denn gifft't annere Leder. Villicht op en lustig-gröne CD. (Plattnet)

De extravagant-alternative CD-Hülle kummt ut de Produktschoon vun de Arbeitstherapieinrichten Agnes Neuhaus, wo psychisch kranke Minschen leevt un wat üm de Hannen hebbt.

De Titels:

- Witt (dat Papier)
- Dor is ümmer een
- Häven's lerdig
- Mit de Wind
- Fröh an'n Morgen
- Hier is een
- So vull Kummer
- Lang, lang her
- Johren (verloren)
- Nix to maken
- Ünnerwegens

Mit de Texten op en tohopenfooldt DIN-A-4-Zedel druckt.

Lübeck: Sübstverlag Volkert Ipsen 2012, 38 Min. Speeltiet

ISBN:
Kategorie: CDs

Bestellnummer: CD VIP 2484
Witt
Dat köst Woveel wullt Du?
€ 14,95
+ Versand
Een Sied trüch