Debus, Helmut
Dreihen un Weihen

Nu hool de Luft an. Poetisch, man nich kommodig ward di dat. Debus löppt vör nix weg, nee, he kickt scharp daal op dat Leven "in den groten Winter vun de Welt". Man duuknackt löppt he dor nich dör:
Geef mi Licht maak mi to Licht
sett Licht in mien Hart in mien Seel
Sett Licht in mien' Stimm in mien Wöör in mien Leed
geef mi Licht maak mi heel

(La vache qui pleure, Titel 7)

Höpen is dor, man nich toveel. Dat Licht schient, man faken strahlt dat op de naakte Würklichkeit as se is: "Un du grippst na de Steerns man diene Arms sünd to kort". Aver dormit hett sik dat nich, nee, du muttst in en anner Richt wiederdinken: "Griep de Welt doch bi de Klöten"! (Nix is för de Katt, Titel 5)
As Rock-Balladen, de deep ünner de Huut gaht, mit Jean-Jacques-Goldmannsche Poesie, över de Grenzen vun dat Hier un dat Nu över wegtokieken. Man - Westernhagen is gegen Debus trüchhöllersch - heel un deel ahn Blatt vör den Mund.
Kannst di dreihen as du wullt - dat Weihen blifft. Man mitünner warst gewohr, wo dat Weihen herkummt:
Wi mit'n Sunnenkater duukt de Köpp unner Water un hört - de Fisch snackt Platt
'n Koh wiest ehrn Achtersteven lett een' ballern un beven
un de Welt fangt an sik to dreihen.

(Dreihen un Weihen, Titel 4)

En CD in rockigen "Shantybilly" mit Helmut Debus, Michael Jungblut (Gitarre), Iko Andrae (Bass) un Bahli Bahlmann (Drums).

Düsse CD hett Helmut Debus de Nominierung to to den Deutschen Musikautorenpreis 2014 inbröcht.

De Titels:
- küss mi dat wart morgen
- wild is de wind
- wo de löwen weenen
- dreihen un weihen
- nix is för de katt
- küss de hand paris
- la vache qui pleure
- ringo un rosie
- wi kniept de sunn in´n mors
- wo blifft de schrift up dat water

Stuhr-Neukrug: Thein 2012, 44 Min. Speeltiet

ISBN:
Kategorie: CDs

Bestellnummer: CD DEB 2493
Dreihen un Weihen
Dat köst Woveel wullt Du?
€ 14,95
+ Versand
Een Sied trüch