Spiekermann, Gerd
Wat denkt mien Hund von mi?

Gerd Spiekermann is een Ogen-apen-Maker as man een. Weetst Du, worüm Triskaidekaphobie glücklich maakt? Oder dat Minschen, de Sarah heet, jümmers de Büxen anhebbt, in de Köök jüst so as in't Bett? Nee? Also, in düt Book warst du opklort över allens, wat een nich unbedingt weten bruukt, aver egentlich doch weten will. Aver dat weer noch lang nich allens, wat Spiekermann in düsse 62 korten Texten to beden hett. Ok dat Thema "Partnerschaft" kriggt sien Fett af: Dat is ja so, datt de perfekte Ehe ut en blinne Froo ut en Kirl, de slecht hört, besteiht. De Froo dröff nich allens mitkriegen un de Kirl nich allens so irnst nehmen. Neenee, dat is nich eenfach so'n Macho-Snackeree, sünner dor steiht en depe püschologische Analys achter, wo du di op verlaten kannst! Un wenn du't doch mal utproberen wullt un di an en anner Wiev ranmaken wullt, dennso hett Gerd ok noch en por Tipps, wat een op jeden Fall nich maken schull — wenn een nich so as he op de Nees fallen will.
Bannig intressant sünd de Reisebeleevnissen, de Gerd vertellt: Vun Bethlehem mit de Palästinenser un de Israelis un de inheimischen Borussia-Dortmund-Fans, vun England un Spanien. Un wat dat schöönst an de spaanschen Hotels is, dat schall di woll mal verlangen.
Wunnerschöön ok de Titelgeschicht, wo Gerd bet op den Grund vun sien Hart blicken lett un bichten deit, wat he dee, wenn he sien egen Hund weer ...

11,8 x 17,8 cm

Fast inbunnen, mit Schutzümslag

ISBN 978-3-87651-374-4

Hamborg: Quickborn-Verlag 2012, 120 S.

ISBN: 9783876513744
Kategorie: Böker

Bestellnummer: BO QUB 2498
Wat denkt mien Hund von mi?
Dat köst Woveel wullt Du?
€ 10,80
+ Versand
Een Sied trüch