Gifft för ümsüst - för all, de en beten Apptiet hebbt op Nedersaksisch: To "30 Joar Krödde" en Jubelutgaav, de trüchkieken deit in de Anfangstiet un aktuelle Literatur op Grunneger Nedersaksisch bringt, so as -Erik van der Veen: N proatende Bome - en sportlichen Kirl maakt sik bi frischen Snee mit sien Fohrrad op'n Weg ... - Tonko Ufkes: Mammes huus - en Mann begegent sien Öllern in sien Öllernhuus. Man se sünd dor nich mehr, ok Mudder is nu dootbleven, blots noch de Fotos, Erinnerungen treckt de Gedanken in vergahn Tieden. Aver nee: Even de Papieren mitnehmen, datt allens in de Reeg kummt vun wegen dat Mudder to Eer bröcht warn kann. Man op'n Weg na de Süster höllt em wat op. He dreiht nochmaal üm ... Man ok öllere Bidrääg sünd hier weer to finnen, t.B. - Kees Visscher: "Negen Mai" - en Vertellen ut den letzten Kriegsdag 1945, wat dat Leven an düssen Dag in en lütte Stadt opschienen lett. - dat Gedicht "Dat Bladenhuus" in oostfreesk Platt van Greta Schoon, wat 1986 tooerst in "krödde" druckt wurn is - Peter van der Velde: Doedelzak - en vergnööglich Gedicht över en verbummelten Studenten Krödde nr 120 winter 2011, 58 S.
