De Schaulmeistersche un Plappermöhl-Moderatorin Susanne Bliemel haalt Platt achter'n Aven vör. Se ünnerhöllt uns mit lütte Vertellens över dat richdige Platt - gifft et dat? - över Gott un de Welt - dat is de Titelgeschicht -, se snackt över DDR-Tieden un över hüüt. Ganz ut dat Hier un Nu sünd ok ehr Gedanken över Tüügnisschrieven un Koppnoten - du markst, se is Schaulmestersche. Ok up Minschen, de Mäkelborg-Vörpommern mit präägt hebben, kamen vör: Elisabeth Büchsel un de Schwaanerin Lisa Jürß tau'n Bispill. Susanne Bliemel övertüügt uns, wat tau daun is, wenn wi wat för uns Plattdüütsch daun willen: "Plattsnacken kümmt vun Platt snacken: also, ümmer 'ran un versäuken!" - denn hest du flink dat "Kleine Plattinum".
(beschräwen na de Rezenschoon vun Peter Wittenburg in: De Kennung 36, Heft 2, S. 155 f.) ISBN 978-3-356-01526-3 Format 12,5 x 20,5 cm Rostock: Hinstorff Verlag 2012, 112 S.
