Rosenboom, Hilke / Heikens, Hans-Peter (Vörleser)
Fischer und seine Frau
Erzählt in Hoch und Platt. Vun den Fischer un sien Fru

En wunnerbore nee'e Version vun dat ole Märken op Hoch un Platt.
Hilke Rosenboom hett dat trechtkregen un dat ole Märken vun Philipp Otto Runge in use Tiet röverhaalt:
En oostfreesken Fischer, de Fischer heet, hett düchtig ünner sien Froo Ilse to lieden. Nie nich is dat Wief tofreden - man se hett tohuus de Büxen an. Sünnerlich mit de lütte Kaat is se nich tofreden, wo de beiden in wahnt. "Pisspott" seggt se dor to. Fischer geiht, as jeden Dag, an't Water un angelt. Düssen Dag markt he gornich, datt dat Weer en beten gries ward un datt de Kurgäst sik verlopen doon. As he na Huus kummt un Ilse vertellt, datt he - de anners nie nich wat vun'n Angeln mit na Huus bringt - en gwaltigen Butt fungen un em wedder swimmen laten hett, daar schellt Ilse em ut un schickt em furns wedder hen na den Butt: He schall ehr en smuck Huus in en schieren Buurngaarden hensetten. Fischer weet wall, datt dat nich recht is, wat sien Froo verlangt, man he geiht. Un so geiht dat piel bargop, bet dat Ilse dat leed is, datt de Sünn jümmerto to fröh opgeiht. Nee, dat is ehr nich recht - se will dat sülven stüürn, un dor mutt se Göttin to warrn - un wenn't man so'n Meeresgöttin is, dat müss de Butt doch henkriegen ...

En Märken över den Minschen, de den Hals nich vullkriggt.

Op de CD bünt dree Versionen to finnen:
1. hoch- un plattdüütsch
2. plattdüütsch
3. hochdüütsch

Sünnerlich de eerste Version is wunnerbor to'n Platt Lehren: Dat Märken ward in lütte Afsnitte eerst op Hoch un denn op Platt vertellt.

Trechtmaakt in Tosamenarbeit mit dat düütsche Sielhavenmuseum Carolinensiel.

Regie: Silke Arends-Vernholz

Mit Illustratschonen vun Astrid Jacobs.

Mit Booklet vun 4 Sieden.

Nörden: Verlag Soltau Kurier Norden / Ilsebill meer und mehr-Hörbuch, ahn Johr, 58 Min. Speeltiet

ISBN:
Kategorie: CDs

Bestellnummer: CD SKN 2695
Fischer und seine Frau
Dat köst Woveel wullt Du?
€ 9,95
+ Versand
Een Sied trüch