In en kommodig-genetersch Platt vertellt Dora Heldt op Plattdüütsch vun allens, wat een in den Urlaub so passeren kann, wenn een mit de Olen na de Oma na Sylt föhren deit. Un nich blots dat: De Vertellens geevt depe Inblicke in de norddüütsche Seel, mit de fidelen un de wunnerlichen Typen, de vörkaamt, to'n Bispill in de twete Geschicht "Ela heet Manu". Dor is Jogi Löw, de Hond, de de glieke Frisur hett as use Bundestrainer. Un Michael, de al siet över teihn Johr in Manu verleevt is. Tschülligung: In Ela. Aver Ela hett Maleschen mit'n Knee un mutt de Fier to ehren veertigsten Gebotsdag suusen laten. Man Manu lett dat bi de Gelegenheit richtig krachen. Wat seggst Du? Schizophrenie? Manu-Ela ehr Verwandtschaft helpt ehr dor över weg ... Schallst Di wunnern! Dora Heldt is boren op Sylt un leevt hüüt in Hamborg. ISBN 978-3-87651-384-3 Hamburg: Quickborn-Verlag 2014, 120 S.
