Groth, Karl-Heinz
Ik? oder Du?

Nu ok bi Plattschapp to hebben:
In 8 Vertellens tekent Groth Biller vun Minschen, de mit Maleschen in ehr Leven to doon hebbt. So as Hermann Denker, Schaapsharder, de den Christavend normalerwies alleen tobringen deit. Man Korl nöögt em, en Grog mittodrinken un will em wat Goots doon un geiht en Stück mit em, vun den Haven dör dat Middelland bet rop in dat Böverland, wo de Schaap em al in de Mööt kaamt. Hermann laadt Korl un sienen Jung Janni achterher in, in sien lütte plünnige Kaat. Janni is de Geruch to wunnerlich, he geiht rut na de Schaap. Na en ganze Tiet fangt Hermann an to vertellen ut sien Kinnerjohren. Woans de annern Kinner em böse Wöör naseggen seen. Datt sien Mudder Vader un Söhn verlaten dee, op'n Stutz, mit en Feriengast, as se 30 weer. Datt he denn, alleen mit sien Olen, de dat Supen nich nalaten kunn, an to stamern füng un in de School blots noch ut Öllersgrünnen versett wör. Un woans sien Vader versupen dee, hoch op See, mal wedder besapen ...
As Korl gahn will, snöört em de Anblick vun Hermann den Aten af. Man denn, an düssen Christavend, geiht em dat dör un dör ...

Wunnerschön, wo dicht beschreven de glücklichen oder tomehrst unglücklichen Helden in düsse Vertellens wert. En rieket Platt un en Vertellwies, de di woll ok anrögen schüllt. Un so akkraat un lebennig, datt di dücht, du weerst dor sülms mit biween.

De Titels:

1. Wiehnachten "iip Lunn"
2. Pscht! Nich stöörn!
3. Övern Weg lopen
4. Bahnhoffsgeschichten: Eenmol Paris hen un trüch
5. Wenn ener mol op Reisen geiht...
6. De Maskerod
7. Dörch Trallen
8. Wokeen hett Oma Schmidt sehn?

Vun jede CD gaht 2,- EUR an den Fördervereen för krebskranke Kinner un junge Lüüd e.V. Kiel.

Sübstverlag Karl-Heinz Groth, 71 Min. Speeltiet

ISBN:
Kategorie: CDs

Bestellnummer: CD GTH 2846
Ik? oder Du?
Dat köst Woveel wullt Du?
€ 7,90
+ Versand
Een Sied trüch