AGB & Datenschutz | Impressum | Över us
 

Ossenbrügger plattdüütsket Wöerebouk, Döönkes un Votällsel

Dreyer, Klaus

Dat Platt vun dat Ossenbrügger Land to wohren, hett sik Klaus Dreyer to sien Opgaav maakt. Un dat sünd nich blots de Wöör, de sik anners anhöört un de anners deklineert un konjugeert warrt, nee, dat is ok de Satzbo. Vun dorher is dat to verstahn, dat he to dat Wöörbook ok noch 18 Leesstücken un Spröök afdruckt. In de 3. Oplaag hett Dreyer sien Wöörbook mit Dööntjes un Vertellen noch en poor Sieden bavento kregen. Vun 2013 bet nu sünd dat 17 mehr worrn.

Dat Wöörbook löppt eerst vun Hooch na Platt un achteran vun Platt na Hooch. As Naklapp kaamt de Leestexten. Mang de Wöör fallt vele op, de hoochdüütsche Vörbiller hebbt, as vörlöpig, vörsätzlik oder vörsichtshalver. Un dat gifft op Platt ok passlichere Spraakbiller as he heff Vörrang. Nich överall is de Wöörlist konsequent opboot: So steiht bi hiftig, hiftern, vobiestert “aufgeregt – kickt een aver bi vobiestert, denn steiht dor „starrsinnig“. In den Titel steiht “und”, in’t Wöörbook aver steiht, dat heet un.

Bi dat Book mitholpen hebbt Elly Wübbeler ut Bad Essen, Hermann Niebaum ut Hellern un Lüüd vun den “Plattdüütsken Driäp” in Hasbiärgen. Geld geven för den Druck hett de Landschaftsverband Osnabrücker Land. Hasbergen: Selbstverlag Klaus Dreyer, 3. Auflage 2020, 151 S.

Kategorie: Böker
Bestellnummer: BO M&E 2856
Pries: 9,90 EUR  + Versand
Wo veel wullt du?
   Stück
torüch na de letzte Siet torüch na de letzte Siet