De Flusspeer hebbt en godet Leven: Se künnt sik dickfreten, sik dat gootgahn laten un dorbi kommodig Platt snacken. Wenn dor nich düsse annern, opsternaatschen annern Peer weren, de sik för wat Beters hoolt, mit jem ehr gräsige Rümloperee - kannst ok Sportfimmel to seggen. Dat een oder anner Flusspeerd wör sik dor doch girn en Schiev vun afsnieden, ok wenn se't nich recht togeven wüllt. Mann-inne-Tünn, wat mööt de jümmer so dickdoon, düsse Landpeer! Man mitünner helpt dat ja doch wat, wenn een wat dicker is as de annern, en kolen Verstand bewohrt un sik in't Water flink to rögen weet. Dor fangt de een oder anner glatt an un will ok Flusspeer-Spraak lehren ... De Hörbook-Adaptatschoon vun dat Theaterstück mit den glieken Namen. Mit en por Nasnack-Övungen för lüttje Platt-Anfängers. To empfehlen för Kinner twüschen veer un söven Johr. Ollenborg: August-Hinrichs-Bühne 2014, 26. Min. Speeltiet
