Paulsen, Peter
Mudder, du, segg mal ...
Riemels ut'n Alldag

En Inblick in dat Leven mit Kinner geevt Peter Paulsen sien Riemels. Dorbi staht nich de Döntjes vörnan, nee, dat geiht üm de Fragen, de de Kinner sik stellt - un wo mitünner de Öllern sik mit swor doot, dor op to antern, wenn se fraagt wert.

Hannes

Mudder, Hannes haut mi op'n Kopp!
Deern! Pass op dien Broder op!
Do ik doch de ganze Tiet.
Man de Kerl maakt jümmer Striet!

Mudder! Hannes hett mien Poppen klaut
un mien Billerbook versaut!
Deern! Dien Broder's noch so kleen.
Laat den Jung bloots nich alleen!

Mudder! Hannes ziept mi an mien Hoor
un he gröhlt mi in mien Ohr!
Segg em mal: Dat deit man nich!
Deern! Wees nich so zimperlich!

Mudder! Hannes smitt sien Töller weg
un he maakt nich, wat ik segg!
Deern! Dat is doch nich so slimm!
Fallt ok di nich mal wat üm?

Mudder! Hannes is mi to verdreiht!
Weet nich, woans dat wiedergeiht.
Dien Söhn, de is mi veel to grob:
Tuusch em man in för'n niege Popp!


De eerst Kuss

Mudder, wannehr kreegst dien eersten Kuss?
Dor weer ik twölf un seet in'n Bus.
Mi langenan seet Thorsten Böthen,
De gev mi mien eeersten Söten.
Un wat harrst du dorbi föhlt?
Ik kreeg blots mit, de Bus hett gröhlt
un ik heff'n roden Glöhkopp kregen!
Harr mi verfehrt, kunn mi nich rögen.
Man worüm, Hannes, fraagst du dat?
Ik weer hüüt jüst as du so platt,
As Hanna mi en Kuss opdrück
Un ik mi vörkeem as Hein Mück.
Mien Glück weer blots: Wi weern alleen
Un keeneen hett uns dorbi sehn!

Üm un bi 50 Riemels, mal körter, mal linger, finnst Du in düt Book.

Formaat: DIN A4

Inband: Klemmschiene

Sübstverlag Peter Paulsen, ahn Ort, ahn Johr [2014], 29 Sieden.

ISBN:
Kategorie: Böker

Bestellnummer: BO PAP 2869
Mudder, du, segg mal ...
Dat köst Woveel wullt Du?
€ 7,00
+ Versand
Een Sied trüch