Kandidel (Lederbook mit CD)

Nu kumplett nee bearbeidt wedder to hebben: Jan Cornelius vertellt in sien Leder vun Piraten, vun dat Kaugummi op den Schoolmeester sien Stool un vun Wiebke Wüppsteert, de nich na School gohn will un lever Football speelt un Blomen plückt: De Leeder vun Cornelius hebbt en Blick för de Wunnerwelten, de allerwegens to finnen sünd, wenn een mit junge Ogen de Welt bekieken deit deit. Leder för de Johrestieden, för Wiehnachten, Danz- un Speelleder höört dor mit to. De Melodien gaht licht in’t Ohr un kannst gaut mitsingen. In dat Lederbook, nee bearbeidt vun Gerold Meinen, sünd de Texte, Noten un Gitarrengriffe in to finnen; Woortverklorens hölpt bi dat Verstahn.

De veelsietige Instrumentalbegleitung, Kinnerchor un Kinnersolisten un Jan Cornelius mit sien Gitarr un sien unverwesselbor Stimm maakt de CD, de to dat Book mit tohören deit, to een runde Saak för grote un lütte Lüüd.

ISBN 978-3-9379-4928-4

ARTyCHOKE artist productions Verlag 2020, 70 S., CD: 26 Leeder, 67:12 Min.