Nu dat twete hochdüütsch-plattdüütsche Book vun Emily, de dat Leven an de Küst entdecken deit: Dütmal wunnert Emily sik över den gewaltigen Barg, de sik an de Küst langstrecken deit. De Köh, de dor achter leevt, hebbt dat Meer wiss noch nie nich sehn künnt - anners as de Schaap, de op düssen wunnerlichen Barg rümlopen doot. Emily maakt sik op'n Padd: Se will rutfinnen, wat dat mit düssen Barg op sik hett. De Köh meent, dat is beter, gornich över den Barg rövertolopen - dor liggt wiss dat Enn vun de Welt achter. De Möwen glöövt, dat is en gewaltigen Schiethupen, ut den Schiet vun de Schaap, de dor jümmerto op rümloopt. As en groten Storm optreckt, is Emily in Noot: De Wind ritt ehr mit ehren Schirm in de Hööcht. Man dor is ehr Fründ, de Lüchttornwärter. Un he wiest Emily, wat düsse Barg - de Diek - to bedüden hett ... En wunnerbor Kinnerbook op Hoch un Platt - för de Ogen un ok to'n Plietschwarrn! Passlich för Kinner vun 5 bet 9 Johr. Fast inbunnen, Fadenheftung. 20,6 x 30,4 cm ISBN 978-3-8337-3388-8 Hamborg: Jumbo Neue Medien & Verlag GmbH, 41 S.
