Linek, Lars-Luis / Snutenhobel
Snutenhobels Sommertiet

Lars-Luis Linek is en Baas op dat Flach vun den Snutenhobel - de Mundharmonika. Man he speelt ok en Barg anner Instrumenten - mit de Snuut oder anners. Siet lange Johren begleit he bi Studioopnahmen grote Stars, wenn de Snutenhobel-Sound fraagt is.

Man de Kirl hett ok mit Partners tohopen masse egen Musikprojekte ümsett, wo en Stapel LP- un CD-Platen vun tügen deit. Man de Hamborger Jung, de överall in de Welt ünnerwegens is un flinksnutig Franzöösch, Spaansch, Ingelsch un noch en por südpazifische Inselspraken snacken deit, lett dat nich na, sien Hambörger Platt to snacken un to singen.

To sien nee'et Album se »Snutenhobels Sommertiet« seggt he:

„Mien groot Passion is de plattdüütsche Spraak, de Blues un latienamerikaansch/karibisch Musik. Snutenhobels Sommertiet is een quietschfideelen Reisetöörn dör Norddüütschland mit veel Snutenhobel-Musik un Vertellen vun Binnenland un Waterkant to’n Smuustergrienen: En Mix ut „Blues op Platt“ un latienamerikaansch-karibisch Musik. Bi »Snutenhobels Sommertiet« kriggst Du Smacht op Meer, besinnst Di geern op Dien Urlaub, un Dien Cholesterin-Speegel geiht stracks daal na ünnen – ook in de Wintertiet.“


Lars-Luis Linek hett dat slumpt, latino-karibischen Blues mit plattdüütsche Sommergeschichten op norddüütschen (Danz-) Kurs zu bringen. Dat is de Bewies: De kole Norden lett sik fix opwarmen vun Samba-, Salsa-, Tango- und Bolero-Danz-Rhythmen. (Plattnet/Plattschapp)

Mit dorbi: Lars-Luis Linek, Wolfgang Timpe, Hannes Hoffmann, Jan Graf

De Titels:
1. Seehund Samba
2. Schuten ChaChaCha
3. Maiboom Mambo
4. Alster Salsa
5. Bremer Bolero
6. Tieden Tango
7. Kurkonzert Calypso
8. Marthas Merengue
9. Elv Blues
10. Sommertiet in Norddüütschland
11. Harzer Jodler
12. Jan un Liwai
13. Bonus Track: Mien Vadder

Hamborg: Membran Media GmbH 2015, 45 Min. Speeltiet

ISBN:
Kategorie: CDs

Bestellnummer: CD MEM 3129
Snutenhobels Sommertiet
Dat köst Woveel wullt Du?
€ 14,90
+ Versand
Een Sied trüch