Hein Botterbloom vertellt vun de Lüüd, de en beten wat anners sünd as de annern. So as Christel, en Froo oder Deern, de ehr Öller nüms kennen deit. De lütte Goos, de ehr Flünken daalhangt, lett se sik geven, as de Buur ehr dootmaken will. Se treckt de Goos op un is nich mehr vun ehr to trennen. Bet to den Dag, wo dat na'n Zirkus in Brooksen hengeiht ...
En Schuur över'n Rügg jaagt di de Spökenkieker-Geschichten so as "De swarte Koh".
Hein Benjes is wiet un siet bekannt wurn för de Benjes-Hecken, de he anleggt hett. Vör düssen Achtergrund is sien Riemel "De Knick" to lesen: En jung Kind drömmt vun Snittjern, Spelen un Spijöök in Busch un Knick. Man de ole Buur, de ehr antert, snackt dorgegen an: De Kampf twüschen de Natur ehr Recht un den Agrarkapitalismus in en lütten Riemel.
Wunnerbor is ok dat Märken vun den Buurn un den Düvel: Gifft Burrn, de plietsch noog sünd, den Düvel to överdüveln!
Un kinnst Du al Hein Benjes sien Hannes-un-Fidi-Geschichten? Dat is de Kampf twüschen Plietsch un Dösig. De plietsche Hannes meent, he kunn mit klook Snacken de Dummheit ut de Welt verdrieven. Aver bi Fidi helpt allens nich ...
Dor mang Leder vun Freeheit un Leevde un vun dat Unmöögliche.

All de Titels:

1. Plattdüütsch
2. Winter an'e Werser
3. Süh, Erna!
4. Christel ehr Goos
5. Winternach Vagel (Leed)
6. Ut een anner Welt
7. De Swarte Koh
8. De Knick (Riemel)
9. Fidi ward söbentig
10. De Schatt in'e Schüün
11. De Buur un de Düvel
12. Hannes wöör in Australjen
13. Hochtiet in Bundaberg 1
14. Hochtiet in Bundaberg 2
15. Wiehnachsmann vertellt
16. Weest du een -? (Leed)


Hellweeg: Sübstverlag Heinrich Benjes, ahn Johr (2015). 50 Min. Speeltiet