"De sünd mall, de Römers!“ Asterix, de lütte Gallier mit dat grote Hart, beleevt jüst mit sien Kumpel Obelix sien föfft Aventüür op Plattdüütsch. „De Spökenkieker“, ein sluusohrigen Blootsuger, will de beiden Frünnen un de annern Dörpsbewahners uteneendrieven. Toletzt maakt de beiden sik op un verlaat jemehr Heimatdörp. Weren de Römer jem över? Platt lehrt hebbt Asterix un Obelix bi Hartmut Cyriacks, Reinhard Goltz un Peter Nissen. Dat is knapp 20 Johr her, as de Band „De Törn för nix“ rutkeem. Achteran kemen „Asterix un de Wikingers“, „Lütt Obelix op grote Fohrt“ un „Över’t wiede Water“. Flink hebbt de Översetters markt, datt de beiden Galliers dat Plattsnacken wunnerbor över de Lippen geiht - ok den nee'en Titel „De Spökenkieker“ is dat antomarken. In den Band geiht dat üm Averglovben und dor üm, datt de Lüüd sik girn en rosarode Tokunft verspreken laat. ISBN 978-3770438419 Berlin: Egmont Ehapa Verlag - Egmont Comic Collection 2015, 48 S.
