Düt Book is de Kinnerbookklassiker in dat lütte Land op de anner Siet vun de Oostsee - Estland. Muttst di wunnern, wat dat dor för wunnerliche Gestalten gifft, kuum en poor 100 km vun de düütsche Oostseeküst vun af. De Översetter Heiko Frese seggt: "Mien Lieblingsgeschicht ut düt Book is de vun de "Seeröber Lepel": En ollen Lepel hett de Nees vull dorvun, jümmer in'n Uttog to liggen. He jumpt dor rut un maakt sik över en Töller Supp över her. De Kartuffeln, Klüten un Arften kriegt das Gillen. Se verjaagt sik düchtig un versöökt, Land to gewinnen, man de Seeröber Lepel is jem över. He kriggt jem all bi de Büx un fodert mit jem en sluukohrigen, armen Hond, de anners nix to freten kregen hett."
In "Villu un de Heizung" geiht dat üm de Heizung in Villu sien Kinnergoorn. So en olen Rippen-Heizkörper is dat. De Rippen laat meist as Tähn ... Villu finnt dor achter Kledaschen. He leggt jem tohopen: en Büx, en Jack, en Mütz - un dat passt allens tohopen! En gräsigen Verdacht stiggt in em op: Hett de Heizung en Kind opfreten? Man ehrder datt he dat rutfinnen kann, kummt de Klempner un tuuscht den olen Heizkörper gegen en modernen Flachheizkörper ut ...
Wunnerbore Geschichten, originell, witzig un en beten egen: Woans kann een op so'n Idee kamen, datt Söcken Kinner kriegt? Oder datt en Plack vun een Jack na de anner springen kann? Dor mutt en Barg kindliche Fantasie achtersteken. Un de hett de Autor fuustdick achter de Ohren to sitten. Ok datt de Geschichten eben nich jümmer pädagogisch oder politisch korrekt sünd - kannst ok noch över smüüstern, wenn du jem to'n föfften Mal lesen deist - egal, wat dor nu de Schiet to'n Hauptakteur ward, wat dor en Furz rett wern mutt oder wat Hendrik un sien Papa eenfach Sport Sport ween laat un sik enen genehmigen doot ...
Andrus Kivirähk is in dat lütte Land an de Oostsee för sien Kinnerböker jüst so bekannt as för sien Fiktschoon för de Groten. Nich blots mit düt Book hett he dat in sien Heimat bet ganz baven op de Bestsellerlist schafft.
De Illustratschonen sünd vun Heiki Ernits, den sien Figuren de een oder anner kinnt ut de Filme över Lotte ut dat Erfinnerdörp.
Översett hett de Geschichten Heiko Frese, Schoolmester an de Wilhelm-Raabe-School in Lümborg (Lüneburg) un Berader för Plattdüütsch bi dat Neddersassische Landesschoolamt.
De Geschichten:
De Schiet un dat Fröhjohr
Papas Söcken
De sülmsmååkte Frikadell
Dat Kaugummi to'n Grugen
Peter de Messkäfer
Villu un de Heizung
Villu un de Brummer
De Seeröber-Lepel
De dösige Jack
De hibbelige Besöker
De vergnöögliche Morrn
De bunte Hond
Madli ehr Banknåbersch
De Kriedfreter
De Derendag
De eensåme Kartuffel
De grote, åsige Plack
De lüttje Furz
De lüttje Worst
Karolina un de Spökels
Hendrik un de Skiers
De Dwark un dat Meerswien
De Katt as Wiehnachtsmann
Fast inbunnen.
17,3 x 24,6 cm
ISBN 978-3-937949-19-2
Lümborg: Plaggenhauer Verlag 2015, 76 S.
Kategorie:
Bücher
Bestellnummer:
BO PLA 3250
Wie viele Exemplare wünschen Sie?
Stück
