AGB & Datenschutz | Impressum | Över us
 

Ünnerwegens

Dibaba, Yared

Yared Diaba stellt sik aktuelle Fragen. So as de na de Identität - glieks in de eerste Geschicht. Un du leest un leest un dinkst di: Dünnerslag! Un Yared Dibaba weer ja nich Yared Dibaba, wenn he nich ok irnsthafte Themen mit en Barg Humor vermengeleert, bet du di amenn fragen deist: Segg mal, nimmt de Kirl mi jüst op'n Arm oder weet ik eenfach to wenig över Afrika? Tja, un dor sünd wi al bi de nächste Fraag, de Dibaba stellen deit: Wo fangt de Süden an? Büst du en Südlänner, wenn dien Froo ut Portugal is un du ut Äthiopien? Vertell dat mal en Südafrikaner, datt Portugiesen un Äthiopiers Südlänners sünd! - meent Yared, de "Entwicklungshelper ut Afrika", as he sik hier - mit en Ogenplieren - beteken deit! Un furns kaamt en Barg nee'e Fragen op ...

Ungewöhnliche Sichtwiesen op dat, wat he beleevt, tekent düt Book ut - en Book vun een, den sien Hart för de Minschen sleit - för de norddüütschen jüst so as för den Rest vun de Welt.

Broschur

Format: 10,5 x 18,0 cm

ISBN 978-3-87651-433-8

Hamborg: Quickborn-Verlag 2016, 80 S.

Kategorie: Böker
Bestellnummer: BO QUB 3390
Pries: 7,80 EUR  + Versand
Wo veel wullt du?
   Stück
torüch na de letzte Siet torüch na de letzte Siet