Ganz goot kann een sik dat gahn laten, hüüttodaags in Noorddüütschland. Dorbi is düsse Plaat keen Heimatschlagermusik, man en Bekenntnis. En Bekenntnis to dat Leven un to dat noorddüütsche Understatement (wo de Noorddüütsche "ganz goot" seggt, dor wöör de Süüddüütsche so wat seggen as "großartig"). Musik un Texten kaamt mal suutje, mal leifig üm de Eck, vun de Tüdelband, de nu besett is mit Mire Buthmann, Malte Müller, Lars Knoblauch un Micha Hetmann. "Ganz goot", dat sünd poetische Texten över dat Glück, över Leevde un Eensamkeit, över Fründschap un Leevde. Meisttiets to'n Swögen, man mitünner gifft ok den een oder annern Nackenslag, so as in "Lange Nacht" - en Leed över wille Partys un ehr Schattensieden. Bavento den Klassiker "Op de Reeperbahn" vun Hans Albers in en rein plattdüütsche Version.
Villicht is dat Titelleed, ganz deep binnen, ok noch en Bekenntnis to us Land, to us Kultur, to Europa? Vun wegen: Maak mal de Ogen apen, frei di mal un quees nich jümmerto rüm!
De Titels:
1. Ganz goot
2. Blots wi twee
3. Ganz goot
4. Lange Nacht
5. Buten an't Meer
6. Gliek
7. Koffer
8. Jeden Dag
9. Reeperbahn
10. Droomfru
11. Leder
Hamborg: PLATT'N'TELLER 2016, 35 Min. Speeltiet
