Groth, Karl-Heinz
Wullerdieker Geschichten
oder Swien mutt de Minsch blieven

Inspireert vun de Kortgeschicht "Pigs Is Pigs" hett Karl-Heinz Groth hett Karl-Heinz Groth en grootordiget Porträt vun de Stadt Wullerdiek schreven, de jichtenswo in Norddüütschland liggt. Wullerdiek is de perfekte Stadt: Dat gifft so wenig Kriminalität, datt vun de Polizeistatschoon Schandarms aftrocken wern kunnen; dat Ehrenamt warkt wunner wat in dat Kulturleven; de Kark is jeden Sünndag brekenvull; potente Honoratioren, de "Sülvern Negen" sorgt sik dor üm, datt de Gerechtigkeit un de gode Saak in'n Vörgrund staht. Man eens Daags, as de Krögersche Lina Pohl dootbleven is, finnt sik en Dagebook an, schreven vun de Krögersche - un as de Düvel dat will, finnt dat Book en Verlegger un kummt op'n Markt. Nüms glöövt, wat de Krögersche in düt Book schreven hett. Se kinn jem all, de Sülvern Negen: de Ooltphilologin Froo Prof. Dr. Luise Lindbloom, den Paster Dr. Onno Lührs un all de annern honorigen Lüüd, de sik för nix anners as för't Gemeenwohl insett hebbt. Man jichtenswat mutt dor woll doch anween, an de Geschichten. As de Börgermestersche mit de Honoratioren afsnacken will, woans mit de Publikatschoon ümgahn warn schall, brickt jedenfalls miteens Striet un Larm mang de Sülvern Negen ut. De schöne Anschien is perdü, un se pedd sik gegensiedig in de Schiet. Wat dat nu de erotischen Phantasien vun de Professersche sünd, Fritz Benthien sien Swiensclub, wo sik wunnerliche Lüüd dreept un wo dat Swien in'n Middelpunkt vun en egenordigen Kult steiht - oder Jan-Jakob Sorgenfrei sien Kult üm sik sülven un sien Schörtenjägerie achter de Krögersche achterher: Miteen is allens op den Disch un dat kracht gewaltig ...

En spannend Vertellen över Schien un Sien, de sik so oder ähnlich wiss in mennigeen norddütsche Stadt afspeelt hebben kunn.

Mit en Vörwoort vun Willy Diercks un Illustratschonen vun Holger Späth.

ISBN 3-529-04729-5

Niemünster: Wachholtz Verlag 1999, 115 S.

ISBN: 3529047295
Kategorie: Böker

Bestellnummer: BO WAC 358
Wullerdieker Geschichten
Dat köst Woveel wullt Du?
€ 9,90
+ Versand
Een Sied trüch