Briese, Manfred
Kattschiet in Düüstern
Geschichten un Gedichten

Na sien eerste Book verleden Jahr hett Manfred Briese nu sien tweede Sammeln van plattdüüts Gedichten un Geschichten vörstellt. De gode Kritiken van sien eerste Book „Segg van ‚Ji‘ an dien Spegelbild“ hebben hum de Mood daarför geven.

All tosamen sünd in dat neje Book 57 Prosatexten un 102 Gedichten tosamenstellt. De meesten in dat verleden Jahr schreven, för de Schrieverkring Weser-Eems, de oostfreeske Schrieverslüü, för de DIESEL, för Klenners, för Dagbladdjes of eenfack blot för d‘ Pläseer.

Wenn een seggt: „Du ruckst Kattschiet in Düüstern!“, denn meent he daarmit: „Du süchst Saken, de ‘t neet gifft.“ Daarum geiht dat ok in de eerste Geschicht, de dat Book sien Naam verdankt. (Diesel)

Dat hett nich mal een Johr duert – nu hett Manfred Briese al dat twete Book trecht. Wedder mit Vertellen un Gedichten. Sien Welt is uns Alldag. Dor kickt he sik de Lüüd an. Nipp un nau. He will weten, woans de ticken doot. Un denn maalt he dor Skizzen vun: Geschichten, de blots dat Leven vertellt.

Manfred Briese, he is jüst 75 Johr oolt worrn, geiht vun sik sülvst ut: Vun sien Lüüd, vun sien Kuntrei. He fraagt sik: Wat maakt mi Freid? Wat hollt de Familie tohoop? Woneem sünd de düüstern Sieden vun’t Leven? Un woans schafft wi dat, mit jüm ümtogahn? Wat maakt de Geföhlen ut en Minsch? Jeedeen Geschicht oder Gedicht is een Puzzlestück to dat, wat dat Leven in uns Tiet utmaken deit.

De Geschichten sünd in Oostfresen-Platt schreven. Vun de Oort her passt se in jeedeen Blatt oder Klenner – as lütte feine Vertellen. Man düsse Schrieversmann schull sik geern mehr totruen. Wo süht dat ut mit en Novell oder en richtige Kottgeschicht? De Fantasie dorto hett de Mann, un dat Handwarkstüüch ok. (INS)

Fast inbunnen.

15,3 x 21,8 cm

Emmen: Diesel-Verlag 2017, 216 S.

ISBN: 9783934835337
Kategorie: Böker

Bestellnummer: BO DIE 3593
Kattschiet in Düüstern
Dat köst Woveel wullt Du?
€ 16,80
+ Versand
Een Sied trüch