Leupold, Johann
Platte Schnacks 3

In de Reeg „Platte Schnacks“ hett Johann Leupold Texte sammelt, de he mal för de Platt-Kolumne in de Lümborger „Landeszeitung“ schreven hett. De Geschichten sünd sorteert na welk mit „lokalen Bezug“ up Lümborg un de Heid, na „Ole Tieden – niege Tieden“, „Landleven“ un annere.

Natürlich gifft dat ok Geschichten to'n Högen, de sik goot to'n Vörlesen in 'ne gröttere Runn egent, vele Geschichten hett aver 'n mehr eernsthaftigen Achtergrund un ok de Politik speelt 'ne Rull, ahn dat politiseert warrt. So kann'n wat lesen över dat lege Schicksal von de Russlanddüütschen, över Atatürk un över den chinesischen „Spatzenkreeg“. Ok wat sik in de hele Sellschop in de letzten Johrteihnte ännert hett – to'n Goden un to'n Slechten – is Thema. Un keen weten will, wat mit „La Paloma“ oder mit „Tom Dooley“ ween is, de warrt ok wat finnen.

Johann Leupold is mehr 'n Platt-Schriever as 'n Platt-Schnacker. He is nich wiet af von Hannober mit Calenbarger Platt upwossen, hett lange an'n Harz leevt, wo oostfälischet Platt begäng is un hett dat denn mit oostfreesch un noordheidjer Platt mengeleert.

Em liggt dat besünners an'n Harten, dat Platt sik nich sülvst Schaden maakt, indem et sik to dull zersplittert. He is de Menen, dat so schreven warrn schull, dat dat so veel Lüüd verstaht as jichtens mööglich un dat ok de, de mit Platt bet nu nix to doon harrn, dat lesen köönt. Platt as Ganzet is för em wichtiger as de egen Tungenslag. Darüm richt he sik mit sien Schrieven so goot as dat geiht na den Sass. He meent, dat de Plattdüütschen jüst so plietsch sünd as de Ingelschen, de kene groten Probleme mit ehre snaaksche Orthographie hebbt.

Lümborg: Johann Leupold Selbstverlag 2017, 104 S.

ISBN:
Kategorie: Böker

Bestellnummer: BO LEU 3771
Platte Schnacks 3
Dat köst Woveel wullt Du?
€ 9,80
+ Versand
Een Sied trüch