Druivenga, Evert / Temming, Joachim (Fotograf)
Mit Plattdüütsk in de Dag. Mit Plattdeutsch in den Tag starten

En heel mooi Begleiter dör de Tiet is düt lütte Book van Evert Druivenga: Utsöchte Spröken geevt Moot un Toversicht, röögt an, laadt to'n Sinneren in. De Autoren van düsse Spröökskes sünd daarbi so ünnerscheedlich as man wat: Seggwiesen ut de arabische of Schineesche Kultur staht blangen Wiesheiten van d'Dalai Lama. Denn freist du di, datt di miteens Heinrich Heine, Jean Paul un Eckhart von Hirschhausen över'n Weg loopt un rekenst nich daarmit, dat dorna kloke Spröken van plattdüütske Dichters as Greta Schoon of Hans-Hermann Briese kaamt. Un ok wenn du den een of annern Spröök al maal höört of leest hest - op Platt dreiht sik Stanislaw Jerzy Lec of Mahatma Gandhi nochmaal heel anners in dien Bregenwindungen rin as op Hoochdüütsk.

Entstahn is dat Book ut de Spröök, de Druivenga siet 2015 elke Dag in d' Rheiderland-Zeitung veröffentlichen deit. Elke Spröök is eerst op Platt un daarunner op Hoochdüütsk afdruckt.

Fotos van Joachim Temming ut Möhlenwarf/Lüchtenborg mit Motive ut Natur, Huus un Hoff proten van Stillte, överrascht, sett Kontrapunkte un verlingert den Blick van de Spröken hen na dat, wat Wöör nich seggen köönt.

En Oort Losungsbook för Lüüd, de de Wiesheit van d'hele Welt tofaatkriegen wüllt.

Hier dree Kostproven:

Wenn mi en Saak neet gefallt, denn laat ik de liggen of maak dat beter. (Johann Wolfgang von Goethe)

As ik veerteihn was, wüss mien Vader nettsovööl as de Kreih von'n Sünndag. Dichterbi kunn ik de oll Keerl bold neet uthollen.As ik aver eenuntwindig was, was ik platt, wovööl he in söven Jahr daartolehrt harr. (Mark Twain)

Man kann dat so of so maken. Ik bün för so. (Gerhard Schröder)

Maten: 11,5 x 16,5 cm

Weener: Verlag Evert Druivenga 2018, 229 Sieden.

ISBN:
Kategorie: Böker

Bestellnummer: BO DRU 3876
Mit Plattdüütsk in de Dag. Mit Plattdeutsch in den Tag starten
Dat köst Woveel wullt Du?
€ 11,95
+ Versand
Een Sied trüch