De Herdmannkinner sünd de slimmsten Kinner up de hele Welt. Se legen, klauen, roken Zigarren (sogaar de Wichter), brengen de Nabers to ’n Vertwiefeln un könen mit Hülp van hör halvwild Katt en Klassenkamer in Rekordtied heel un dall lössfegen. Nu hebben se dat sogaar schafft, all de Hoovdrullen in dat Krübbenspööl to kriegen, dat to Wiehnachten upföhrt worden sall. Natürelk verwacht elk un een dat slimmste Krüppenspööl, dat dat jemaals geven hett …
Man dat kummt anners! Mit vööl Swung un stedenwies mehr as lüstig word vertellt, wo de Herdmanns de Wiehnachtsgeschicht sehn (van oll Traditionen hollen se nix, de kennen se overhoopt neet) un in hör egen Leven overdragen. Mit hör Spööl schaffen se dat, dat de Tokiekers baff sünd un heel neei over de blied Böskupp van Wiehnachten nasinnen. En wunnerbaar Geschicht – gaar neet sentimentaal, daarför aver eernstelk nadenkelk – neet blot för de Wiehnachtstied. (Verlagstext / Radio Bremen)
Tekens van Wilhelm Schlote
ISBN 978-3-947994-120
Neckarsteinach: Edition Tintenfaß, 2. Oplaag 2022, 96 Seiten
