Groth, Carl

Conchita, Franka F. un Annfriede Pallesen un jemehr egen Methoden

Dree Krimigeschichten in een Book. In "Conchita or Psycho-Skizzen ut'n Hamborger Westen" geiht dat üm en verheiraadte Froo, de nich uttoholen is - meent ehr Kirl, Rupert Rutenkamp. Conchita will nich in de Schedung inwilligen - se is ieversüchtig as man een. Rupert klookt en Plan ut, woans he ehr dor en Strick ut dreihen kann, sodatt se trüch mutt in ehr agenitnische Heimat, man ...

"Franka F." speelt op Sylt. Kriminalkommissar Sigbert Siegert müss alleen in Urlaub föhren - sien Froo piept jümmer rüm un mutt tohuus blieven. Wieldatt he tohuus nich to Roh kummt, föhrt Siegert liekers los - alleen. Kuum is he op de Insel ankamen, röppt sien Chef ut Hamborg em an: Op Sylt is en junge Froo verswunnen. För Siegert is dat nich eenfach, mit de kort anbunnen Insel-Schandarms in't Snacken to kamen. Man denn gifft dat Sporen - na den wunnerlichen Öödie, de alleen in en lütte Bood in de Dünen leevt un mit de Möven snacken schall. Un ok de wunnerlichen Kirl mit dat däänsche Boot in den Lister Haven kummt in Verdacht: De Havenmeister weet to vertellen vun Froonslüüd, de bi em op'n Boot gaht - man woneem düsse Froonslüüd achteran afblievt, dat weet nüms ...

Annfriede Pallesen ut de drütte Geschicht is en Künstlersche. Se un ehr Kirl wahnt wunnerschöön in Schweden direkt an'n Vättersee. Annfriede un ehr Kirl Ole hebbt sik teemlich utenannerleevt. As Ole mal wedder nich uttoholen is, kummt Annfriede en Tofall topass. Un ehr Künstlermetier ...

Egenproduktschoon - de Böker köönt ünnerscheedlich utsehn un dor mag en Ünnerschrift vun den Autor in oder op ween.

14 x 19,5 cm, handmaakte Liembindung

Hamborg, Sübstverlag Carl Groth, 73 S.

ISBN:
Kategorie: 1

Bestellnummer: BO GRT 4024
Conchita, Franka F. un Annfriede Pallesen un jemehr egen Methoden
Dat köst Woveel wullt Du?
€ 12,00
+ Versand
Een Sied trüch