Groth, Carl
Naakte Steerten
Rotten, nix as Rotten

Vun dat Märken över den Limerick un de Fabel bet hen na de Geschicht to'n Grugen - 20 Texten, as se ünnerscheedlicher nich ween kunnen:

In "Scheef lopen" truurt Wuttke mit sien Skatbröder üm jemehrn Fründ Poskovil, den se to Graff dregen müssen. Wuttke maalt sik ut, wat mit so'n Minschenliev so passeren deit, wenn he in'n Sarg ünner de Eer liggen deit. De Wörm kruupt dor in rüm un dat stinkt gewaltig. Nee, dat weer nix för em. Den glieken Avend schrifft he sien Testament. To verarven hett he nix - de eenzigst Punkt is sien Gräffnis. Vör dat nächste Drepen mit sien Skatbröder will he blots noch flink sien Höhner fodern. Wat he nich weet, is, wat de Rotten in de Twüschentiet mit sien Höhnerstall anstellt hebbt ... Schöön wat to'n Grugen - un ganz besünners wat för Minschen mit en pickenswarten Humor.

In "Fiepken ehr Droom" söcht en junge Rottenfroo dat, wo ehr Moder jümmer vun drömmt har: Leven op en Schipp, dat is dat, wo se na lengen dee, wat se sik in de schöönsten Klören utmalen deit. Un dat glückt, tominnst för enige Tiet ...

Bi "Ine un de Rott" verjaagt sik twee düchtig, as se sik seht: Ine, as se de Rott ünner sik in de Kloschöddel sitten süht. Un de Rott jüstso, as se opdükern deit. Ine is verbaast as man wat. Un se weet sik to wehren gegen so'n Deer. Se slutt den Gornslauch an de Gasleitung an un jaagt dat Afwaterröhr mit Gas vull, de Rott to vergiften ...

En Füürwark an Ideen, Perspektiven un Gattungen rund üm de Rott.

Egenproduktschoon - de Böker köönt ünnerscheedlich utsehn un dor mag en Ünnerschrift vun den Autor in oder op ween.

Kartoneert, eensiedig bedruckt, keen ISBN

Hamborg: Sübstverlag Carl Groth 2008, 110 S.

ISBN:
Kategorie: Böker

Bestellnummer: BO GRT 4029
Naakte Steerten
Dat köst Woveel wullt Du?
€ 15,00
+ Versand
Een Sied trüch