Groth, Carl
27 Kotte Kottgeschichten

"En Anstööt för de Gedanken blots - un de dat list, mutt sien Fantasie en beten spelen laten" - seggt de Autor.

De Texten sünd mehr as Geschichten - in düsse Gedankenspleten stickt masse Poesie binnen. De Gedankenreis, op de Groth us mitnehmen deit, geiht in dat eerste Kapitel "Hier un Güntsiet" vun use Welt in't Güntsiet: Köönt wi den Afstand twüschen de Doden un de Lebennigen överwinnen? Sünd use Religionen un de Gloven an dat Gode Tofall? Billt wi us nich düchtig wat in bi veel, wat wi för seker un wiss holen doot?

De twete Deel "Dood un Düvel" is wat handfaster - hier geiht dat üm den freewilligen un den unfreewilligen Dood un üm de Ökonomisierung ok vun't Levensenn. In "Kismet" geiht en plaanten Mord kumplett na achtern los - statts den Partner liggt nu de Planer vun den Mord op'n Grund vun't Meer - un wi dröövt sien Gedanken lesen. Groth dinkt de Saken bet toenn, wo masse Lüüd gornich an to dinken waagt - dor löppt di as bi'n annern Groth de Schuer langs den Rügg so hitt, un düüster ward in'n Soot. Man liekers kannst di mitünner dat Grienen nich verkniepen, bi den gnäterswarten Humor, de dor dörschamert ...

In den drütten Deel "Schraag un skurril" staht malle Dystopien blangen historische Reminiszenzen vun Platon över Leif Eriksson bet na Adolf Hitler sien Hoor.

Un hier de Överblick:

1. Hier un Güntsiet

- Engels-Snack

- Güntsiet dor

- Heilande?

- Kinnerköpp

- Sien Seel

- Dree Been

- Oder?

- Gräsige Biller

2. Dood un Düvel

- Scheef lopen

- Ideen mutt 'n hebben I + II

- Staatsanwalt

- De Pilzkenner

- Lesde Ruh

- Kismet

- De Schatzsöker

- Bodyguard

3. Schraag un skurril

- Levenslang

- Simple Methood

- Notiz in't Blatt

- Torkel sien Monolog

- Söbenunveertig

- Ja wenn ...

- All'ns för de Katt?

- Vision

- Wo lang torüch?

- Platon missverstahn

Egenproduktschoon - de Böker köönt ünnerscheedlich utsehn un dor mag en Ünnerschrift vun den Autor in oder op ween.

Kartoneert, eensiedig bedruckt, keen ISBN

Hamborg: Sübstverlag Carl Groth 2001, 29 S.

ISBN:
Kategorie: Böker

Bestellnummer: BO GRT 4031
27 Kotte Kottgeschichten
Dat köst Woveel wullt Du?
€ 10,00
+ Versand
Een Sied trüch