Düsse besünnere Utgaav vun Hein Bredendiek sien betlang unveröffentlichte Karkenleder is heel un deel vun Hand maakt. De dree Druckers Hartmut Ringleff, Fiete Hinrichsen-Moor un Alfred Böhnke hebbt sik tohopendoon un mit düt lütt Book en düchtig Stück ole Druckhandwarkskunst lebennig maakt. Friedrich Hinrichsen-Moor hett in de Druckeree Abdrift in Bremerhaven den Satz ut Blieletters sett, Alfred Böhnke hett de Böker in en ole Heidelberg-Press in dat Handwarksmuseum in Bad Beers (Bad Bederkesa) druckt, un Hartmut Ringleff hett de Böker vun Hand bunnen.

Wat dor in is:

- De Sünn steiht deep an'n Heeben

- Herrgott in'n hogen Heven

- Kummt her, ji Lüüd un laat uns singen

- Över uns de een ... (Wat de Minsch mit all sien Last)

- Herrgott in'n Heeben, wu könnt wi Di faten

- Herr Christ, Du büst us Troost in Noot

- Nachtleed (Dat Wark is daan, gah slapen)

In dat Book sünd de Melodien angeven, na de de Leder to singen sünd.

Mit Illustratschonen (Holt- un Linolsnitte na Motive vun Hein Bredendiek) vun Godehard Pollakowski op'n Inband.

Dat Book hett keen ISBN.

Bremerhoben: Abdrift 2017, 22 S.