Christoph Prang vertellt ut den Alldag in en Krankenhuus vun hüüt — un he wiest dorbi, wo modern, lebennig un aktuell de plattdüütsche Spraak ween kann.
Düt is en plattdüütsch Reportaasch un togliek en Geschichtenbook — vull vun minschliche Bemöten, Respekt un Wunnerwarken över de Künn un Künst vun de Minschen in den Medizinbedriev. De sacht-iroonsche Vertellstil is för sik alleen en Pläseer.
En vullstännig Wöörbook runnt den Inholt af un mookt dat meist to en kortwielig Platt-Lehrbook. (Verlagstext, en beten afännert)
Dat Book is an'n 19.8.2019 bi NDR 1 vörstellt worn.
Prang is en Hamborger Jung, man sien Vöröllern kaamt ut Eutin, wo he in de Ferjen Platt lehrt hett. Arbeiden deit he op dat Marketing-Flach, man he hett al veel Tiet in Krankenhüüs tobringen müsst. So is he to sien Thema kamen. Sien besünner Ogenmark liggt op Plattdüütsch in de Kranken- un Olenpleeg.
ISBN 978-3-9819019-7-9
Verlag Marless 2019, 228 Sieden
