Debus, Helmut
Frömde Frünnen

To sien 70. Geboortsdag an'n 3. Mai 2019 hett Helmut Debus en neje CD rutbröcht - sien 20. - un de twete (?) mit sien Band, wo Andreas Bahlmann (Slagtüüg), Iko Andrae (Kontrabass) un Michael Jungblut (E-Gitarr) mit tohören doot.

"Frömde Frünnen", dat sünd twölf Leder vun Debus sülms un vun Musikerkollegen, de Debus deels överdragen hett in't Plattdüütsche, deels blifft de Text ok in de Originalspraak Hoochdüütsch. So kannst du Bettina Wagner ehr "Kinder" in en afännert Faten hören - schallst di wunnern, mag angahn un du kinnst dat Leed vun dien Kinner oder Grootkinner ut'n Kinnergoorn. De Titel "Weil es winzig ist" is op de Grundlaag vun den Italo-Hit "Piccola e fragile" entstahn, dat "Abendlied" vun Hanns Dieter Hüsch hatt Helmut Debus al sien Kinner to'n Inslapen vörsungen.

Man de annern De annern Titels sünd all plattdüütsch; se stammt vun Tom Waits ("Morgen fröh bün ik gahn" / "I'll be gone"), Bob Dylan ("noch'n Tass Koffi" un "up ewig jung"), Lluis Llach ("De Pahl") - un even vun Debus sülms. Dat sünd de Titels "worum weenst du, Waterland", "Allns för di", "Lady Day", "Dit Land höört us all" un "'n Leopard in mien Hart". To'n Deel sünd dat Klassikers, de Debus al lang in sien Repertoire hett, man de nu heel un deel anners inspeelt sünd. Dat is wedder en groot Paket Poesie - as jümmer 1 : 1 mit wieden Blick un ahn unnödige Ironie.

Stuhr-Neukrug: Thein/Debus 2019

ISBN:
Kategorie: CDs

Bestellnummer: CD DEB 4098
Frömde Frünnen
Dat köst Woveel wullt Du?
€ 14,95
+ Versand
Een Sied trüch