Groth, Carl
Sigbert Siegert jümmer dorbi
Lahme Flünken – Rutenkamp sien Methood &ndash De Söök

Dree Kortkrimis in een Band. In den eersten, "Lahme Flünken", geiht dat üm Sigbert Siegert, en Kriminalkommissar in de letzten Deenstjohren, is ünnerwegens op de Seilschipp-Krüüzfohrt op de Kanaren. Al op'n Flughaven fallt em en Froo op, de lahme Flünken hett, jüst as he. Blots mit den Ünnerscheed, datt he al wedder ganz goot to Foot ünnerwegens is. De Froo dorgegen hett Krücken dorbi. As de Krück bi den Sekerheitcheck dör dat Röntgengerät lopen deit, kriggt Siegert den Bildschirm in de Künn. Dor kummt em wat wunnerlich vör. Sien Kriminalistengespöör seggt em, datt dor wat fuul is. In'n Haven vun Las Palmas, as dat op'n Schipp geiht, is de Froo miteens wedder dor, un vun nu an lett Siegert ehr nich mehr ut de Ogen ...

In "Rutenkamp sien Methood" geiht dat üm Juana Rutenkamp. Se swiestert ehr Bekannte Hilde Siegert bi'n Bäcker twüschen Döör un Angel to, datt se verswinnen mutt na Südamerika. Över en Staatsanwalt kriggt Hide ehr Kirl, de Schandarm Sigbert Siegert to weten, datt Juana Rutenkamp egentlich ahn Grund flüchten deit: De Mord, den se meent, se har em begahn, weer Deel vun en groot anleggten Trick vun ehren Kirl. Man miteens is dat grote Blankeneser Huus vun Rutenpamps heel un deel leddig - beide sünd se verswunnen!

Hilde un Sigbert, de sik anners gegensiedig düchtig op'n Keks gaht, hebbt miteens en Ziel, wat jem tohopenbringen deit: Se mööt weten, wat in jem ehr Naberschup passeert is.

Ok in de drütte Geschicht hett Kommissar Siegert en Fall optokloren. He müss mal wedder alleen in Urlaub föhren - sien Froo piept jümmer rüm un mutt tohuus blieven. Wieldatt he tohuus nich to Roh kummt, föhrt Siegert liekers los - alleen. Kuum is he op de Insel ankamen, röppt sien Chef ut Hamborg em an: Op Sylt is en junge Froo verswunnen. För Siegert is dat nich eenfach, mit de kort anbunnen Insel-Schandarms in't Snacken to kamen. Man denn gifft dat Sporen - na den wunnerlichen Öödie, de alleen in en lütte Bood in de Dünen leevt un mit de Möven snacken schall. Un ok de wunnerlichen Kirl mit dat däänsche Boot in den Lister Haven kummt in Verdacht: De Havenmeister weet to vertellen vun Froonslüüd, de bi em op'n Boot gaht - man woneem düsse Froonslüüd achteran afblievt, dat weet nüms ...

Egenproduktschoon - de Böker köönt ünnerscheedlich utsehn un dor mag en Ünnerschrift vun den Autor in oder op ween.

14 x 19,5 cm, handmaakte Liembindung

Hamborg, Sübstverlag Carl Groth, 69 S.

ISBN:
Kategorie: 1

Bestellnummer: BO GRT 4249
Sigbert Siegert jümmer dorbi
Dat köst Woveel wullt Du?
€ 18,00
+ Versand
Een Sied trüch