"Ein gedanklicher Rahmen nu, den der Leser, der geneigte, mit eigener Phantasie zu füllen hätte" - seggt de Autor. De Texten sünd all in twee Spraken, op Platt un – översett op Hoochdüütsch. Enige vun jem sünd so apen, datt Du sachs Dien Bregen losrattern laten muttst, datt de Texten ehren Sinn kriegt. So is dat bi de körtste Kottgeschicht "De Schatzsöker". In twee Kapitels, de altohopen blots ut 37 Wöör besteiht, geiht de Verteller de Geschicht vun en Kirl op'n Grund, de op'n Grund vun't Meer liggt.
Man de Texten sünd mehr as Geschichten - in düsse Gedankenspleten stickt masse Poesie binnen. De Gedankenreis, op de Groth us mitnehmen deit, geiht vun dat "Hier" vun use Welt in't Güntsiet: Köönt wi den Afstand twüschen de Doden un de Lebennigen överwinnen? Sünd use Religionen un de Gloven an dat Gode Tofall? Billt wi us nich düchtig wat in bi veel, wat wi för seker un wiss holen doot?
Mit dat Güntsiet hebbt ok enige Texten to doon, de sik ünner de Överschrift "Dood un Düvel" stellen laat - se sünd wat handfaster - hier geiht dat üm den freewilligen un den unfreewilligen Dood un üm de Ökonomisierung ok vun't Levensenn. In "Kismet" geiht en plaanten Mord kumplett na achtern los - statts den Partner liggt nu de Planer vun den Mord op'n Grund vun't Meer - un wi dröövt sien Gedanken lesen. Groth dinkt de Saken bet toenn, wo masse Lüüd gornich an to dinken waagt - dor löppt di as bi'n annern Groth de Schuer langs den Rügg so hitt, un düüster ward in'n Soot. Man liekers kannst di mitünner dat Grienen nich verkniepen, bi den gnäterswarten Humor, de dor dörschamert ...
Wedder anner Texten laat sik ünner de Överschrift "Schraag un skurril" stellen, hier staht malle Dystopien blangen historische Reminiszenzen vun Platon över Leif Eriksson bet na Adolf Hitler sien Hoor.
Un hier de Överblick:
- Der Schatzsucher / De Schatzsöker
- Gespräch unter Engeln / Engels-Snack
- Heilande?
- Kinderköpfe / Kinnerköpp
- "Bodygard"
- Schief gelaufen / Scheef lopen
- Ideen sollte man haben / Ideen mutt 'n hebben
- Staatsanwalt
- Der Pilzkenner / De Pilzkenner
- Letzte Ruhe / Lesde Ruh
- Kismet
- Seine Seele / Sien Seel
- Da oben/ Güntsiet dor
- Drei Beine / Dree Been
- Torkels Monolog/ Torkel sien Monolog
- Siebenundvierzig / Söbenunveertig
- Simple Methode / Simple Methood
- Schreckliche Bilder / Gräsige Biller
- Lebenslang / Levenslang
- Zeitungsnotiz / Notiz in't Blatt
- Oder?
- Ja wenn ...
- Alles vergebens? / All'ns för de Katt?
- Vision
- Wie lange zurück? / Wo lang torüch?
- Platon missverstanden / Platon missverstahn
- Teufelskreis / Düvelskrink
- "Versprechen" / "Verspreken"
- Was verändern / Wat verännern
- Ausblick / Vörutkeken
- Regulativ
- Crex-crex
- Warum denn, wozu ...? / Worüm denn, woto ...?
- ... warten / ... töven
Egenproduktschoon - de Böker köönt ünnerscheedlich utsehn un dor mag en Ünnerschrift vun den Autor in oder op ween.
14 x 19,5 cm, handmaakte Liembindung
Hamborg, Sübstverlag Carl Groth, 87 S.
