Groth, Carl

DNA ut Oklahoma
En Vertellen vun de Insel Föhr

Enno Nickelsen un sien Mitarbeidersche Kristina - togliek sien Ex-Froo - sünd op Föhr togang. Se schüllt Fotos maken för en Tourismusagentur, de för Föhr warven will. Tofällig lehr de beiden en wunnerlichen olen Kirl kinnen, en Hans-Heinrich Katt. De vertellt jem sien Levensgeschicht, ok weil he de Lüüd vun de Insel nich recht vertroon deit, man liekers sien Geschicht mal vertellen will. Ganz besünners hett em sien Grootvader präägt, wo he eens nachts mit op'n lütt Seilboot ünnerwegens weer na dat Fastland. Wegen en Flaute müssen de beiden op en Sandbank övernachten. As Hans-Heinrich annern Morn opsteiht, is sien Opa nich mehr to finnen. Dat eenzigst, wat an em erinnern deit, is Opa sien olen Wiesfinger, den he mal op an Fischerboot in't Spill kregen hett - wat em den Finger afreten hett. Düsse Finger, vertellt Hans-Heinrich, liggt vundaag noch bi em in't Schapp, inleggt in en Glas Rum.

Korte Tiet later steiht in den Insel-Boten wat to lesen vun en Arfschup ut Amerika: En Notor söcht Verwandte vun en Josefa Katz, de in Oklahoma dootbleven is. Kristina un Enno riemt sik dor wat op tosamen, man köönt se de Stuurköpp vun de Insel vun jemehr Theorie övertügen? Dorför mutt de olle afsneden Finger allerdings nochmal ut dat Glas rutkregen warn ...

Egenproduktschoon - de Böker köönt ünnerscheedlich utsehn un dor mag en Ünnerschrift vun den Autor in oder op ween.

17 x 19,5 cm, handmaakte Liembindung

Hamborg, Sübstverlag Carl Groth, 36 S.

ISBN:
Kategorie: 1

Bestellnummer: BO GRT 4253
DNA ut Oklahoma
Dat köst Woveel wullt Du?
€ 12,00
+ Versand
Een Sied trüch