Groth, Carl

Ut anner Sicht – Miniaturen
Grotesken un Fabeln

De Welt bekeken ut de Sicht vun Insekten un anner wunnerliche Persönlichkeiten, de anners nienich to Woort kaamt. Narrsch dücht een dat toeerst, wenn de Ik-Verteller in "Mehrt ju!" de Bibel ziteren deit un vun Jussuf den Lüstling vertellt, den se nich ut den Weg gahn will oder kann. As Leser muttst du al en lütt beten kriminalistisch mitdinken, wenn du dat, wat de Kakerlaak beleevt, in Minschenperspektiv översetten wullt, un wenn dat slumpt, schall di dat woll ok dat een oder anner Grienen in't Gesicht tövern. Liekers is dat nich so, datt düt Book di suutje ünnerholen deit, nee: Mitünner köst dat ok en Överwinnen un en dröög Daalsluken, wenn du di dor op inlaten schallst, datt nich de Minschensicht de richtige is. So as bi "Kakerlaak sien Klaag", wo de dicke brune Sebber di mit gode Argumenten övertügen will, datt dat Dümmtüüch is, wenn de Minschen den Sünnenkäfer as positiv Symbol seht, wo de doch Dere fritt, wieldes de Kakerlaak sik mit Reste tofredengifft.

Man dat geiht nich blots üm Insekten in düt Book. Jüst so kannst Du di vun Ernst August sien Scheerm vertellen laten, woans dat weer, as de hannöversche Thronfolger mit em en Paparazzo verkloppen dee - oder di vun en Aal oder en Hoornhecht mitnehmen laten in jem ehren Alldag, ehr Beleevnissen, ehr Dinken un Doon.

Egenproduktschoon - de Böker köönt ünnerscheedlich utsehn un dor mag en Ünnerschrift vun den Autor in oder op ween.

14 x 19,5 cm, handmaakte Liembindung

Hamborg, Sübstverlag Carl Groth, 77 S.

ISBN:
Kategorie: 1

Bestellnummer: BO GRT 4254
Ut anner Sicht – Miniaturen
Dat köst Woveel wullt Du?
€ 16,00
+ Versand
Een Sied trüch