Jeedeen vun de veer Strophen vun Klaus Groth sien “Matten Has’” kriggt en Dubbelsiet: Links en Bild in en Mischtechnik mit klore Pinselklören op en Scribble-Teeknung, rechts dat bekannte Gedicht vun Klaus Groth in Gries op Witt. Dat is wiss nich verkehrt, dat “Matten” hier as Fabel ankeken warrt – man en Henwies dor op, woneem Matten in de Minschenwelt un in uns Tiet rinpassen kunn, gifft dat ok in de Biller nich.
Dieter Schröder leevt as Künstler in Bottrop. Woans he op Groth un Matten kamen is, dat weet wi nich. Man he nimmt dat Thema op un he schrifft Matten op düsse Oort in uns Tiet rin. So leevt de Haas wieder, ok wenn he al lang doot is.
Mit Groth sien Punkt-un-Komma-Setten geiht Schröder kreativ üm. Un in de twete Strooph maakt he ut da’s "das", ut op’e warrt "op de" un ut Op’e warrt "Oppe".
Lütt Matten de Has. Illustrationen Dieter Schröder. Fabel von Klaus Groth 1819-1899. Grafisches Konzept, Layout Ernesto Gerschinski, Dorsten.
Dieter Schröder 2020, 9 S.
