Helmut Janssen, Johrgang '59, upwassen mit acht Bröder - un keen Süster - vertellt in en mooi Oostfresenplatt ut sien Kinner- un Jungkirlstiet un en beten ok van vandage: Van Vaders Piep un woans sien Moder meist en Piepenbrand utlööst har, van sien Wunsch, en Süster to hebben - man dat güng ja nich, 't har ja gor keen Slaapstääd för ehr geven! - oder van de Quickwagen, de de Bruus bringen dee, van d'eerste Arbeitsdag of van Fierdagen, de mit en grote Sellschup fiert wören. Över de lütten Missverständnisse kann en faken smustergrienen, man de kamen altiet suutje d'rher, Janssen sien trüchhollersche Humor kummt van Harten un is nich opdragen.
De Vertellens laten sük goot lesen - de Geschichten klingen bannig authentisch un sünd wiss ok to'n Vörlesen goot to bruken. Dor mang sünd ok enige mehr poetische Sieden to finnen mit Gedachten to de Themen "Mien Oostfreesland" un "Wiehnachten", wo sük wiss ok vele, un nich bloot Oostfresen, in wedderfinnnen könen. Ok een Rezept is d'r binnen - för Middelser Riegenbroot.
Helmut Janssen is de säävt van negen Jungs ut en Buursfamilie in Groot Holum (Gemeen Neeharlingersiel). Vundag leevt he in Holtriem. He is de Plattdüütskbeopdraagte van d' Landkreis Wittmund för Esens, Holtriem un Langeoog.
Flexibel inbunnen.
19 cm hooch, 12,5 cm breed
ISBN 978-3-96336-004-6
Wittmund: Brune-Mettcker Druck- und Verlags-GmbH 2021, 108 S.
