Dr. Jekyll un Mister Hyde - in keen annern Roman liggt dat Gode un dat Lege vun de Minschen so dicht blangenanner as in düssen Klassiker. Rainer Kramer hett düssen aparten Fall in sien däägt, lebennig un vigeliensch Platt nee to'n Leven bröcht.
En Leesproov:
"Nu, dennso segg ik 't di düütlicher noch", güng de Afkaat stuur wieder dar an. "Ik weet nu allerhand mehr von düssen jungen Hyde."
Dat brede, glatte Gesicht von Dokter Jekyll wöör in allns ganz kalksch wittscherig utsehn. UN wat siene Ogen wöörn, düüsterer as je. "Dar will ik nix mehr von höörn. Up düsse Saak wüllt un wüllt wi nich mehr trüge kamen!"
Wat ik to weten kreeg, ... asig un ekelig dat", versette Utterson. He leet nich von af.
"Ik kann dar nix an helpen. Du versteihst afsluuts nich, wo ik hier in düsse Saak stah", entegen em de Dokter. UN dat sä he apenbar wat fahrig. "Miene Laag is in'n ganzen Weg wat pienlich, Utterson. In düssen Fall is allns bannig, bannig snaaksch un gediegen wunnerlich hen. Un bi sowat helpt dat Snacken dat över keen Spier nich wieder. Nix, nee, nix!"
En Radiointerview vun Benita Brunnert mit Rainer Kramer över Jekyll & Hyde op Platt, sennt bi NDR 90,3, is över düssen NDR-Mediathek-Linkto finnen.
Broschur
ISBN 978-3-00-070146-7
