Wolfgang Müns, de lange Johren de Plattdüütsche Bibliothek in Hamborg leit hett, hett en Sammlung vun besünnere plattdüütsche Texten ut ganz Norddüütschland ut dree Johrhunnerten to'n Advent tohopenstellt.
Dat "Plattdüütsch Advents-Book", 2021 un 2022 rutkamen in twee Bännen, schull al 1989 bi den Hinstorff-Verlag rutkamen, man denn keem de Wenn un de Lüüd in de DDR weren scharp op allens, wat ut'n Westen keem - den Verlag düch, datt sik dat Book nich verköpen wöör un so kummt dat eerst nu, mehr as 30 Johr later, vörtüüg. De Rutgever vertellt de Vörgeschicht vun dat Book in sien Vörwoort - man nich blots dat: In sien "Vorbemerkung 2" gifft Müns en wunnerboren Inblick in de Geschicht vun de norddüütsche Wiehnachtskultur.
De Anhang wiest nich blots na, wo de Texten vörher rutkamen sünd, man ok Achtergrünnen över de Autoren un Woortverklorens.
DIN A 4, Klammerheftung
Berlin: Sübstverlag Wolfgang Müns 2022, 76 S.
