Wille, Louis / Schierer, Jürgen (Rg.) / Wille, Lutz (Rg.)
Harzer Mundart-Truhe. Geschichten und Gedichte aus dem gesamten Harz und seinen Vorlanden.

De Horz is, wat de Dialekten angeiht, förwiss de interessanteste Kuntrei in Norddüütschland: Nedderdüütsch un middeldüütsche Dialekten wesselt sick af; de Südhorz snackt Thüringisch, nah de höögsten Städte hebbt de Inwannerers ut'n Erzgebirge ehren Dialekt mitbröcht, un in't Ümland nah Nord, West un Oost ward oder wör Plattdüütsch snackt, wat in dür Book ok den gröttsten Deel innehmen deit.

Wille sien Sammlung stellt Mundortgeschichte un Sprakenriekdom vör, mit Texten de vun't Middelöller bet in de 1950-er Johren un dwars dör all de Horzdialekten gaht.Wat de Gattungen angeiht, finnt sick blangen Döntjes, Vertellsels un volkstümliche Gedichte ok Deele ut ole Chroniken, ut'n Saasenspegel, ut'n Heliand oder ut een Faßlaamspeel ut dat 20. Jh. Wunnerbor dücht, datt Wille ok Texten ut dat 16. bet 18. Johhunnert opnahmen hett, wo Plattdüütsch as Schriftspraak nich so begäng weer. Mit den Sprakenwannel sett he sick - jüst so as de Rutgevers - ut'nanner.

Louis Wille kummt ut Benneckenstein un is in de DDR in Halberstadt Schooldirektor ween, bet he 1958 nah'n Westen (Bad Harzburg) utneiht is. Dat Book is twüschen 1940 un 1975 tohoopstellt un posthum publizeert.

Mit Literaturverteeknis un bio-bibliographischen Anhang.

Fast inbunnen, Fadenheftung.

Peine: Ostfalia Verlag 1996, 241 S.

ISBN:
Kategorie: Böker

Bestellnummer: BO OST 517
Harzer Mundart-Truhe. Geschichten und Gedichte aus dem gesamten Harz und seinen Vorlanden.
Dat köst Woveel wullt Du?
€ 4,10
+ Versand
Een Sied trüch