Gäpel, Robert
Magst et nu gläuben oder nich. Ostfälisches Mosaik 1

Robert Gäpel ut Evessen (Kreis Wolfenbüttel), Freudenthal-Priesdräger vun 1968, stellt in düssen Band sien Lyrik un Vertellens vör - op ostfäälsch platt: De "Terschaten Windmöhle 1945" (Gedicht) lett dat End vun'n Kriege lebennig warrn - ok wenn du't nich sülven beleevt hest. Lustige Vertellens över Kinnertiet un malle Lüüd sünd wat to'n Smusstergrienen, man jümmer suutje, mit Geföhl för de Minschen un de Tieden, nich to dull un mit masse Farv. Dorbi dat schönste plattdüütsche Leevsgedicht, wat dat gifft: Harwstabend (S. 21). Un dormang mitünner Aftellriemels un Tungenbrekers - ole un sülven utdachte. Een wunnerboret Mosaik!

Opdeelt is dat in een gröttern Deel "Kruut un Kratt", wo de Lyrik ünnerkamen is, un een Deel II "Ut öllern Tieden" mit lingere Vertellens un, besünners, een Episodensammlung, de wunnerbor utmaalt, woans de Hannoveraners dat opnamhen hebbt, as de Hochtiet twüschen de preußische Prinzessin Viktoria Luise un Prinz Ernst August vun Hannover sick ankünnigen dä. Een Lickmuulstück för jeden Hannoveraner!

Broschur. Mit Worterklärungen.

Peine: Ostfalia Verlag 1985, 92 S.

ISBN:
Kategorie: Böker

Bestellnummer: BO OST 538
Magst et nu gläuben oder nich. Ostfälisches Mosaik 1
Dat köst Woveel wullt Du?
€ 4,00
+ Versand
Een Sied trüch