Stellmacher, Dieter
Niederdeutsche Sprache

Wenn du plietsch büst, denn is dat goot. Man wenn du ok noch klook warrn wullt, dennso muttst du düt Standardwark lesen: In 8 Kapitels gifft de Göttinger Plattdüütsch-Perfesser Stellmacher een Överblick över den aktuellen Forschungsstand, wat Plattdüütsch angeiht: Los geiht dat nah de Införung (Kapitel 1) mit de Spraakgeschicht (2. Altniederdeutsch, 3. Mittelniederdeutsch, 4. Die Übergangszeit). Denn geiht dat üm dat Neenedderdüütsche (Kap.5): Spraakformen, Spraaksoziologie (Wer spricht wann wo mit wem Platt?) un de velen plattdüütschen Dialekten. Kap. 6: Grammatik, Kap. 7: Zur Schreibung des Niederdeutschen, denn noch de (enigermaten optimistische) Schluss un Verteknisse, Tabellen, Register un allens wat dor so tohört, to een wetenschaplik Wark.
Ok wenn du di inbillst, datt du veel vun Plattdüütsch versteihst, markst du bi't Lesen: Dat mehrste lehrst du nu eerst. Besünners goot sünd de velen Bispeele, de Stellmacher tohopraakt hett, besünners in Kapitel 5.3 (Dialekte), mitünner is dat Book hier teemlich enzyklopädisch anlegt - dat heet: du finnst ok, wo du nah söken deist. Wenn nich: Stellmacher seggt ok, woneem de Forschung noch wat to doon hett. Mit dösige Vörurdele un ole Ansichten rüümt de Autor op, t.B S. 105/106: "Die gegenwärtige Sprachsituation in Norddeutschland ist durch ein Umkehrung des bis in unser Jahrhundert hinein wirkenden Verhältnisses von Erst- und Zweitsprache gekennzeichnet. Galt ehemals als Sprache, die man zuerst und als "Muttersprache" erwarb, das Nd., das erst über die Schule durch das Hd. ergänzt wurde, so ist es heute anders: Man erwirbt das Nd. später, als Zweitsprache, zur hd. Muttersprache."
Wenn du Argumente brukst, de wiss hoolt, denn finnst du se hier!

Rutkamen as Bd. 26 vun de "Germanistische Lehrbuchssammlung".

Broscheert.

ISBN 3-89693-326-4

Berlin: Weidler Buchverlag, 2. Oplaag 2000, 275 S.

ISBN: 3896933264
Kategorie: Böker

Bestellnummer: BO WEI 639
Niederdeutsche Sprache
Dat köst Woveel wullt Du?
€ 37,00
+ Versand
Een Sied trüch