Charmonia / Krause, Dirk K.J.
Charmonia maakt allens platt

Een Talent to'n Plattmaken hebbt se, de söss charmanten un harmonischen Liddmaten vun Charmonia ut Echem in de Elvmarsch. Un Plattmaken is bi jem Programm: Blangen een poor lütje Leder un Potpourris vun Dirk Krause finnst du hier in de Hauptsaak gode ole internatschonale un düütsche Schlagers mit plattdüütschen Text. De Beatles hebbt dree Vörlagen levert, anner bekannte Leder sünd dor tokamen. Dör dat reine A-capella mit gode Erststimmen hest du ok wat vun de Texten: Ut "Barbara Ann" ward "Barbara renn (denn du hest verpennt)", "Yesterday" ward to "Is vörbi", "Mr. Sandman" ward to "Leever Sandmann". Dorbi sünd de textbearbeitungen bannig kreativ: Mal is de plattdüütsche Text een Parodie op dat Originaal, mal "transponeert" he de Handlung nah Norddüütschland (ok dat is "plattmaken"!), un maal wiest he blots, datt een Ledertext op platt jüst so poetisch is as op ingelsch - blots beter to verstahn. Dat is plattdüütsche Musik, de Spaaß maakt! Echem: Southern Sound Records 1998, 43 Min. Speeltiet

ISBN:
Kategorie: Böker

Bestellnummer: CD CHA 640
Charmonia maakt allens platt
Dat köst Woveel wullt Du?
€ 13,00
+ Versand
Een Sied trüch