"Bäten wat von de Jägerie" (so de Ünnertitel) vertellt Edeltraud Richter, de Sprekersche von ein Jagdhornblaasverein is. Wenn se uck sülbst nich op Jagd geiht, so weit se dor doch vääl von af un vertellt dat schönste Jägerlatiensch. Dull geiht dat tau, wenn August Voß 's morrns klocke fief vun Fritz un den Verteller ut'n Bette jaagt ward un los mutt tau de Waterjagd... Richter weit dick optaudregen in ehr 38 Vertellers, un dat up vörpommersch platt. Ehr Jägerlatiensch is nich blots lögenhaft, nee, dat is uck Jägerspraak, is uck Beobachten, is uck Spannung, Högen un Brüderie mit bi. Mitünner verlett se uck dat Genre "Jägerlatiensch", un du finnst wunnerbore Gedanken un Belävnisse in un mit de Natur. De Schriewersche kummt vun Fischland, wo se 1939 in Althagen burn is un hett as Schaulmestersche in Franzburg, Ribnitz un Schönfeld arbeidt. Hüüt wahnt se dor, in'n Ortsdeel Trittelwitz. Broscheert. Stemhagen: KHS Verlag & Service 2002, 108 S.
