En Stremel över us

Plattschapp & Plaggenhauer is en Firma, wo en Online-Bookhannel un en Verlag tohören doot.


Dat Plattschapp

Hett di dat ok all mal so gahn? Du hest een Book op Platt sehn, een Leed in't Radio hört un Du wullt gern de CD oder dat Book hebben. Man woneem gifft dat dat? Faken is de Bookhändler to fuul, dat extra to bestellen, oder he weet sülvens nich, wo dat dat gifft – un de groten Online-Ladens hebbt dat nich in't Sortiment. Dat Plattschapp is bigahn, dat grote Angebot tosamentofaten, wat et op Platt all geven deit. Hier in dat Plattschapp gifft dat nu bilütten meist allens: Böker, Musik, Spele un wat weet ick nich noch allens op un över Plattdüütsch. Middewiel hebbt wi al meist 3.000 Artikels online, un dat Angebot ward jümmer grötter.

Grünnt worn is dat Plattschapp 2003 vun Heiko un Birgit Frese, in'n Februar 2003 is de Website online gahn. De beiden kaamt ut Hassendörp in Neddersassen (Landkreis Rodenborg an de Wümm). Birgit arbeidt nu bi Staad. Ehr Hobby weer all langen Plattdüütsch: Snacken, Comedy-Optritte, Platt-Arbeit mit Kinner un anner Saken. Heiko is Schoolmester un hett dor Spaaß an, Computersieden to programmeren.

An’n 1.1.2007 hett Signe Preis-Frese, Birgit ehr Schwägerin, dat övernahmen. Signe is Bibliothekarin un wahnt mit ehren Kirl un jemehr dree Kinner in Lümborg.


De Plaggenhauer-Verlag

De Plaggenhauer-Verlag is in't Fröhjohr 2004 grünnt worn vun Jan Graf. In dat Fröhjohr 2015 hett Signe Preis-Frese den Verlag övernahmen. De beiden Firmen loopt nu as een eenzige. Sworpunkte sünd Literatur , Spraak un Kultur vun Noorddüütschland un vun't Baltikum.

Wenn Du Wünsch, Fragen un Ideen hest oder wenn du een Artikel nich finnst, denn schriev us driest ünner plattschapp@email.de oder plaggenhauer@email.de. Wi freit us över Dien Post!